شمارت مراغة الحبيبة

بسم الله الرحم الرحيم
الاخوه الاعضاء في منتديات مراغة السلام عليكم ورحمة الله وبركاتة حبيت اديكم حبة شمار كدا
العايز يعرف بيتنا يمشي مراغة ويسال عن حلة الاشراف في مراغة وبيوصفو ليه البيت كالتالي
من الخرطوم تركب بصات الشمالية دنقلا وتنزل في حت اسما السوق الشعبي ومع نزلتك بتلقي
كميه كبيرة من التكاسة موجودين واول ما تسال عن مراغة بيدلوك علي طول من غير اي سعر
وانت اثناء ما شي في الطريق وبتتونس مع التكاسي اسالو وقول ليه بتعرف بيت ناس شهاب ود الشريف
بيقول ليك كيف ياخي دا الشخص المعرف في القرية يعني احم احم احم احم كتير طبعا الناس استغربت
المهم وانت ماشي بيقابلك شارع طويل اسمو دنقلا مراغة تمسك الشارع دا طويل بيقابلك كبري السليم
فوتو وامشي وبيقابلك بيتناس فافويا المره الطيبه ديك ياسلام وتمشي بيقابل حلت ناس مالك نصر الدين وامشي
ساي بيقابلك حلت ناس قدوره امشي ساي وبرضو بيقابلك سبيل سيسه من جنب السبيل بتلقه شارع ادخل علي طوالي
بيقابلك زريبه حقت عبدالرحمان مسي وامشي بيقابل نيمه حقت ناس حميد شحنه من جنب النيمه ادخل شمال بتلقي
ميدان انزل في الميدان واتجه غرب نزل شنطتك واربط كدارتك وابد في التمرين لين الباقين ما يجوا وكدا وصلته البيت
وادفر الباب وخش البيت بيتك ولا عوده ان طال العمر ......

والله رغم طول المشوار وكترة اللفات لكن برضو جايييييييييييييييييين جهز الغداء جايييييييييين
والله بيتنا اسهل تنزل جم دكان خالد تسلم على الشباب تخش تصلي ركعتين في الجامع تطلع تمشي تلعب كورة في النادي تطلع تكشف في المركز الصحي تنط الحيطة تلقى السراير جاهزة .
**********************************************
وين ابواللول ماتشبكو في الموقع ده

كل سنة وانت طيب ياود الشريف
واللة كنا بعيدين شوية الفترة الفاتت دى بس لمن رجعت ماصدقت فى فترة وجيزة
خلقت شلة عنكبوتية ماشاء الله مايسحروكم شى قدورة وشى محمد جعفر وشى من المانيا
بس ناس امريكا نايمين شوية

انا شايف تعملو جوائز لناس محمد جعفر والمتميزين ديل وتحياتى للجميع

مجدى باشنتود

الاخ العزيز / Majdi
اسعدني جدا مرورك ورجوعك للمنتدى بمشاركاتك ونحن نبزل كل الجهد لو قريتنا وهلنا في مراغة
ونريد ان نجعلهم يصلون اقصى الحدود العولمه والفائده منها بطريقة صحيحه ونشر ثقافتنا عبر هذا
السرد الذي ينتظر من شبابنا وشاباتنا كل الجهد المبذل منهم حتي يتسنى للجيل القادم من ابنا مراغة
ونحلم بان قريتنا تصبح زي اليبان مثلا ( قبل ثلاث اشهر ) محتفله با خر اشارة مرور يا له من علم
ولك ودي وتقديري

ود السعيد
ا والله بعد رجوعى اندهشت لحجم المشاركة لانو امن سجلت لاو لمرة اظنو كنت انت ومالك والمشرفين على الموقع مراغة نت والجماعة النشاط الكبار
امثال ابوراس والباقر بس هسة ماشاء الله عينى باردة .....

بس تعرف ياود الشريف فى اقلام كدة ربنا سخرا للكتابة والتعريف والمشاركات الشبابية امثال اخونا اسماعيل عبدالحميد والاستاذ مزمل
وبالمناسبة مزمل دة موسوعة متحركة وربنا يحفظو وهو يحاضر بجامعة الخرطوم .....

ولازم باسرع فرصة يتم استقطابم ومشاركتم .. ...وبرضو شايف ذنورين عامل فيها رايح

لكن اظنو فى زحمة الشغل

المهم دة موضوع داير نقاش مستفيض

شكرا

مجدى

اخي وحبيبي الغالي / مجدي باشنتود ابن اعز واطيب انسان في هذه الدنياء والزي يحمل لقبة
بالاندانى باشنتود ( ود البشاء ) وهذا هو اللقب الزي يحمله اباك له العتبي حتي يرضي
لك مني كل الشكر على هذه المداخلة ورجوعك لنا في هذا الارض الزي يحتاج منا ومنكم
بذل الجهد و العطاء لكى نجمع كل انسان من ابناء مراغة با خيه ولكى نصبح اسرة مستقلة
وانتم هناك في مراغة عليكم
ببزل الجهد واعلام كل شاب من مراغة بافتتاح المنتدى وله حق التسجيل و المشارك وطرح الراى
وننحن هنا متوكلين على الله ثم عليكم في هذا الشان ولك كل التقدير

لك الشكر ياود السعيد واظنو ق الحاج دة عندك شى قوى معاهو كلو مرة تمدحو لينا كدة
فالحمد للة ودة الواجب العمل من اجل مراغة لانو دى ضريبة من غير جزاء ولا شكورا

والله عندى مقتترح للاعلان عن هذا المنتدى لانو معظم الناس الكبار ماعارفين وهم متشوقين لشى زى دة
وانا شايف نفس الاتعمل فى مدرسة مراغة يتعمل فى نادى مراغة عرض بروجكتر وتنوير وانا بقترح انو عبيد عطا والجعلى
يرتبو للموضوع دة وناس محمد جعفر والشباب يقومو بالتنفيذ وان شاء الله التمويل بيتدبر باذن الله

ولك التحية

مجدى

والله يا مجدي الوالد ما عندو اي شوى قوى معاى بس التعامل البينه وبين الحاج اقوى من كدا

» قرية مراغة الحبيبة
» ألف مبروك بإنطلاق المنتدى
» صور من مراغة
» صور من قرية مراغة
» صور من مراغة الخضراء