كلام سمح بالحيل في اهلي ناس مراغة الحنان
مراغة فى امن وامان وناس مراغة فى عيشتن زى عادتن
بعد الصلاة وشاى الصباح كل زول مرق لى شغلو راح
الراح على الدكان فتح والساق غنيماتو وسرح
والشالو طورية ونزل لى شغلو ما قام بى كسل
والشالو منجل دار يحش للفى المراح والدى الجنا
وللدار يبيعا تمصرفو ودون السعية يسمنه
حتى الصغير الفى المدارسة فى المواعيد قام مشى
فى ايدو خرتاية كتب حاشيها كراسات حشى
وفى التانى كورية لبن بى كسرى بايتى من العشى
والاهلو حالن منصلح عاسولو قراصة قمح
* * *
وناس مراغة فى عيشتن زى عادتن
* * *
حتى الحريم الشايلى مقشاشى وتقش
والعلقت سعنه وتخش والخاتى حلته للفطور
قبال تفور تنشمه ريحته فى الفريق زى البخور
والدوكى دخانه انطلق وحس الفنادك طق ... طرق
* * *
وناسمراغة فى عيشتن زى عادتن
* * *
قسوة كفاح ما فيها لين
خدمة ضراع وعرق جبين ورغم الكفاح
عبر السنين ما اتغير الطبع الحنين
الناس تلاقيك بالبشر وماب تلقى بيناتن نفر
يوم فى وشى الضيفان كشر
طبعن مأصل فى مراغة تلقاهو فى الراجل الكبير
فى مرتو في البت والولد يتفقدو الحال من بعض
* * *
وناس مراغة فى عيشتن زى عادتن
****
****
مع تحيات شهاب ود الشريف
[وحدهم المديرون لديهم صلاحيات معاينة هذا الرابط]
الرئيسية 
أحدث الصور 
