رمضانيات

بسم الله الرحمن الرحيم
الي اهلي واعزائي ابناء مراغة
مبارك عليكم الشهر الكريم
وان شاء الله تصوموا وتفطروا بالف عافيه وصحه

مع تحياتي شهاب ود الشريف

رمضان كريم ربنا يتقبل منا ومنكم وجعلنا واياكم من المعتوقين يا رب العالمين.وشنو الحكاية يا شهاب و يا شباب ليه الناس ابتعدت من منتدانا نحن قلنا بعد انطلاقة المنتدي الناس بتكون قريبة من بعض لكن الناس لس بعيدة لا مساهمات لا دخول حتي مراغة والله محتاجة انو الناس تكون مع بعض وانت بالذات يا شهاب ابتديت بامتياز كل كم يوم كانت في مشاركة حلوة منك لكن ما عارفين الحصل شنو ولا كسل يا ريت الكل تساهم بالذات ناس البلد يعرفو الناس الحاصل يا ريت يا ريت الناس تتلاقي وتعرف اخبار بعض

تصومو وتفطرو علي خير والله يااخوان نفسي اصوم في مراغة لي واحد وعشرون سنة ماصمت في مراغة
وتعقيبا علي كلام دكتور بكري انا يوما بدخل علي المنتدي ولااجد اي عضو موجود نرجو من الجميع المواصلة وشكرا

الباقر محمد

تهانينا للجميع بحلول الشهر المبارك وتقبل الله صالح الاعمال وكل عام والجميع بخير والله يادكتور بكري كنا نتمني مشاركة الجميع ودي فرصة طيبه للقاء والدردشة بين الاخوان وشي طبيعي اي بداية بتكون فترانه شوية بس نتمني ماتطول وانشاء الله المطرة دي تكون استرت معاكم وجعلها الله امطار خير وبركه .

نرجو ورجاء خاص من كل الاعضاء الذين يدخلون النت بصورة مستمرة ان يتفق الجميع علي مواعيد محددة حتي تلتقي وتتعرف علي كل الاخبار والدردشة.ويا الباقر محمد انت ليك 21 سنة ما صمت في مراغة انت يا خوي عمرك كم سنة انت ما عجزت خلاص ربنا يديك العافية.اخي عبد الله حمد المطرة كسرت بيتي وانا راجي القروش حقتي العندك عشان اعيد الصيانة نحن طبعا اتفقنا علي 10 مليار الشهود والحمد لله موجودين الكمبيالا موجودة انا بديك فرصة شهر وبعد كدة بتخذ الاجراات القانونية اللهم هل بلغت اللهم فاشهد

الشكر ليك د.بكري اقتراحك جميل بالنسبة لي بكون موجود دائما بعد الساعة التاسعة والنصف مساء والله الان نحن هنا في الجمعية وفي لمه حلوه اخونا ادريس عبدالحليم طبعا مابتعرفوا يابكري ومحمد نورالدين احميدي وحمزة ابراهيم والصادق بلاك وزاهر فضل وعدد كبير من الاخوان بنجمع دائما يوم الخميس ونقضي اوقات حلوة تنسينا شوية مرارة الغربة.
وبعدين والله اخونا الباقر خوفنا بالواحد والعشرين سنة دي وده عمر زول كامل وربنا يرجعوا سالم وغانم .
وربنا يعوضك في بيتك وخليك منتظر

سلام جميع الاخوه ماكنت عندى خبر الشبكه لذلك سجلت جديد وانشاءالله نقدر نساهم ونفيد المجموعه ونجدد الافكار رمضان كريم وربنا يتقبل منا ومنكم صالح الاعمال .انشاءالله حواء مراغه حتشكل حضور ومشاركه.تحياتى