الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  

شاطر | 
 

 باشنتود الذي اعرف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ياسر ابراهيم طه
عضو فعال
عضو فعال
avatar

عدد المساهمات : 41
تاريخ التسجيل : 21/07/2009

مُساهمةموضوع: باشنتود الذي اعرف   الثلاثاء يناير 05, 2010 2:46 am

وامونه زميلتنا في الجامعه من ام صفقا عراض نواحي الجزيرة تسألني بندهاش أنت يا ياسر البرلوم ده ولدك؟؟؟؟ شايفاهو ماشي وراك طواااااااالي
وتنحشر الاجابه في حلقي الذي امتلا عن آخرة بالقهقهقهقهقه
ياريت يا امونه يكون عندي ولد ذي محمد
جاء الي الجامعه خجولا يمشي طرف المين روود ويحتمي بنا نحن معارفه من البلد لا يعرف في هذه الدنيا سوي الضحك كانه مندوب شركه الضحكات الوطني يوزعها نديه وطاااازجه تدخل القلوب دون استئذان ودود بكل ما تحمل الكلمه من وضاءه قضينا سويا ايام الجامعه بكل ظروفها وتعقيداتها وافراحها ، دائما معي او انا معه وعندما كان الاخوان والاخوات في الرابطه يوصلوني حافه البشتنه (الشايل هموم الناس وهمو العندو غالبو يشيلو) كنت الجأ الي ضحكاته اتزود بها علي باقي المشوار
في البلد كنا نتسامر اليوم كلو بحري او قبلي ناخذ كل المواضيع ونتركها في مكانها
وعندما ضاقت بي بعض الايام في البلد جريت ليهو في اوربي احتمي بضحكه الكثير وكانت نصيحته والتي لم آخذ بها اضرب ال............ بي اختها يا صديقي ما زال هناك متسعا من الوقت لكل شئ وغدا يوم آخر وشايل هموم الدنيا ماااالك وعبارات كثيرة من المحنه والموده الصادقه .
،،جايب لينا معاك شمام وبطيخ من دنقلا انت قايل نحنه في كولا لامبور،، وضحكت وفشيت مقصتي في الضحك .... ورجعت الي البلد اعد نفسي الي محنه اخري
وعندما باعد بيننا التسفار كان يحرك سكون تلفوني كل فترة بمكالمه منه وعندما اسمع ضحكته انشرح واعلم ان البلد والناس عموما بخير
هذا مشوار من المحبه الخالصه لم تعكرها الايام ولم تتخللها إلاّ مزيدا من المودة الصبوحة والونسه الشجيه والأخوة المستمده من ينابيع الصفاء كله لذلك انا احرص علي صون معرفتي به متزودا بكل تلك الايام المضيئه
عزيزي باشنتود ركيت في البقاده لاني عايز اطلع فوق الحيطه بتاعتنا واكورك ليك يا محممممممد الحلقوا انت وناس وضاح قبل قراصه الملوحه دي ما تبرد !!!!!!!!!
اتكاءه
رسلت ليك فاكرك حنين
يا حليل حنان الما سلو
بعد الدموع اشكيك لمين
ارضي الكتير واتحملو
شوف ريدي كيف صادق نبيل
أوعك تحاول تجهلو
الرجوع الى أعلى الصفحة اذهب الى الأسفل
محمد حسن



عدد المساهمات : 8
تاريخ التسجيل : 04/01/2010

مُساهمةموضوع: رد: باشنتود الذي اعرف   الثلاثاء يناير 05, 2010 4:46 am

الاخ ياسر : لانك معايا وحضورك مرتب
برغم المسافه احتسبت الغياب
ولانك عندي كل الخير
وجيهك فرحه الدنيا
وملامحك زي شعاع النور
ياخوي حيرتني اقول ايه ولا اكتب ايه ولكن كما عودتنا دائما فانت هكذا الصديق الوفي الودود.........
كلماتك تعبر الوجدان وتتخته جوه الجوف وتنشف الريق....لكن انا اعرف ان الغربه معاناه والمعاناه تفجر الدواخل.
ياخي كفايه ابحار في الذكريات لانو لو استمرينا بالوضع دا ماحنشوف باقي المنتدي والاولاد الصغار حيضحكو علينا
وخايفين نسمع منهم(بطلو جرس)........
لكن بالجد فرحت لما عرفت انك حتكون علي مرمي حجر مني واتمنى تعود ونتلمى حتي نقدر نضيق مساحات الاسي...
علي فكره مصطلح(البقاده) معظم الاعضاء ما اظن عارفنو.. نخلي مجاهد يشرحو بتصرف.
الرجوع الى أعلى الصفحة اذهب الى الأسفل
نسمة وفاء
عضو فعال
عضو فعال
avatar

عدد المساهمات : 152
تاريخ التسجيل : 19/06/2009
العمر : 30

مُساهمةموضوع: رد: باشنتود الذي اعرف   الثلاثاء يناير 05, 2010 4:55 pm

ربنا يخليكم لي بعض وتدوووووووووووووووووم المحبة والوئام

وترجع الدنيا تضحك ليك من جديد
الرجوع الى أعلى الصفحة اذهب الى الأسفل
wd.alshreef99
مشرف المنتدي
مشرف المنتدي
avatar

عدد المساهمات : 207
تاريخ التسجيل : 20/05/2009
العمر : 34
الموقع : المملكة العربية السعودية

مُساهمةموضوع: رد: باشنتود الذي اعرف   الثلاثاء يناير 05, 2010 5:24 pm

الله على العباقره والله انتو عباقره لالالالالا دكاتره ديييييييييييييييييييييييييل
ربى احفظ شبابنا وشاباتنا واهل مراغة خاصة والامة الاسلامية عامة ويدوم المحبة
بعادكم طال كفا تعالو شغلتو البال بالالالالالالالالا ف السؤال لكم المحبة

_________________
[وحدهم المديرون لديهم صلاحيات معاينة هذا الرابط]
الرجوع الى أعلى الصفحة اذهب الى الأسفل
النور إدريس
عضو جديد
عضو جديد
avatar

عدد المساهمات : 94
تاريخ التسجيل : 28/11/2009

مُساهمةموضوع: رد: باشنتود الذي اعرف   الثلاثاء يناير 05, 2010 8:52 pm

يا جماعه والله بكيتونا عديل كده
( ويا ياسر جدو قاعد هسى جنبى وقلت ليه انت كلام زى ده ما بتقدر تقولوا لى ناس مروارتى ) ههههههههههههههههه
ربنا يديم المحبه والاخوه
الرجوع الى أعلى الصفحة اذهب الى الأسفل
ياسر ابراهيم طه
عضو فعال
عضو فعال
avatar

عدد المساهمات : 41
تاريخ التسجيل : 21/07/2009

مُساهمةموضوع: رد: باشنتود الذي اعرف   الأربعاء يناير 06, 2010 2:42 am

عزيزي محمد
غالي ذكرياتنا محفوظ في الجزء الندي من الفؤاد
دي خربشات كده من دفتر تلك الايام الحالمات
شكرا علي روائع كلماتك بس خليك دائما قريب
لمن نقلب القراصه التانيه


اختنا نسمه
مشكوره علي مرورك وعلي دعواتك
وربنا يخلي نيم العمد دائما اخضر يا رب


شهبي
تعليقاتك تعطي رونقا لكل المواضيع
شكرا علي الحضور والتحيه


ابا دول
لا لا ما تبكي خلي الدموع لما يجي اوانه
عايزينك تشوف مقاس البدله والعراقي والسروال المزركش بالاحمر
كتر خيركم علي توقيعكم بالجيه انت وجدو
الرجوع الى أعلى الصفحة اذهب الى الأسفل
عوض ابرهيم طه



عدد المساهمات : 22
تاريخ التسجيل : 18/12/2009
العمر : 33
الموقع : مراغة

مُساهمةموضوع: رد: باشنتود الذي اعرف   الأربعاء يناير 06, 2010 5:31 pm

ربنا يحفظ بينكم مثل هذه الموده والعلاقات الحميده
التى مهما طال بها الزمن لا تتندل
الرجوع الى أعلى الصفحة اذهب الى الأسفل
 
باشنتود الذي اعرف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدي العام-
انتقل الى: