الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  

شاطر | 
 

 وصية أم لإبنتها عند الخطوبة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رضوان سعيد
عضو جديد
عضو جديد
avatar

عدد المساهمات : 83
تاريخ التسجيل : 08/09/2009

مُساهمةموضوع: وصية أم لإبنتها عند الخطوبة   الإثنين يناير 04, 2010 12:45 am


أبنتي العزيزة اهو ربنا فك عقدتك واتخطبتي فإليك نصائحي حتى تأخذي بخطيبك من مركب الخطوبة إلِّي محدش
عارف هاترسى على إيه إلى مثوااااه الأخيرفي قفص النسانيس..قصدي قفص الزوجية السعيد.
أجمل ما في الخطوبة العزومات الرومانسية على أحلى محلات أكل فى البلد واللي عمرك ما هاتشويفها بعد الجواز
.. المهم نصائحي لك عند أي عزومة مع خطيبك:
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا م البوز زي
الخنجر ولا من فوق طبعًا
2- العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي..العيش بيتقطع
بالسكينة فى الطبق وبعدين تاخدي لقمة..لقمة بالعافية قال يعني نفسك مسدودة...اضغطي على أعصابك جدااا..
وبعدين لما تروَّحي إبقي حِفِّي زي ما إنتِ عايزه
3- الشوووربة بند الشوربة ده مهم جدًاااا...أبوس كعب رجلك الشوربة تتشرب من غير صوت خالص ومن غير
ماتقعدي تنفخي فيها زى القهوجى اللى بينفخ فى حجر للزبون وطبعــاً عايزك تنسى تمامًا السلطانية اللي بتقيميها
على بقك في البيت وتدلقي على روحك...بالمعلقه وبدون صوت..سخنة ولعة برضو بدون صوت...وتسيبي تلت
الطبق ع الأقل مش تميليه عشان تشفطيها لآخر نقطة..
4- الرز..طبعاً بيتأكل بالشوكة أوعي إيدك تتمد ع المعلقة وتغرفي من طبق الرز وتعبيأوعي ... الرز بالشوكة
وكأنك بتبوسيه مش بتأكليه..
5- المكرونة...الاسباكتي برضو بالشوكة تتلف على طرف الشوكة لحد ما تخلص وبعدين تحطيها فى بؤك من
سكات...مش تشفطي المكرونة عود عود..
6- السمك....مشكلة...شوفي بتفصلي اللحم عن الشوك ..إزاي؟؟..تقطعي اللحم من النص بالطول وبعدين
تفردي اللحم ع الجانبين ولما تخلصي ناحية ماتقلبيش السمكة.. بلاش فلاحه..شيلي السلسلة بالشوكة والسكينة
وحطيها ف جنب الطبق وكملي أكل النص التاني..وبدل الفيلم الهندي ده...نصيحة ماتكليش السمك خالص..
قولي مابحبش السمك وخلصي نفسك ...
7- الجمبري...-إذا كنتي عارفاه- أول ماطبق الجمبري ينزل.. بصيلو بقرف واحتقار شديدين .. آل يعني زهقانة
من كتر أكل الجمبري الجامبو في بيت بابـا..وأتنهدي جامد وقولي.. برضو؟؟؟ وتروحي قاطعة راس الجمبريياية
بالشوكة...أنا فى عرضك إنسي المصمصة دلوقتى..
8- البطاطس سواء مسلوقة أو محمرة...أوعي تهرسيها وتدبيها على الرز وتدي..لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي..
9- الفاكهة...لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة وبعدين فى طفاية
السجاير اللي على الترابيزه ..أوعي ياحبيبتي من نظام التفتفة للبذر..انسي.
10- ولما تخلصي أكل تحطي إيدك على بطنك...اللي عصافيرها بتصوصو من العينات اللي اكلتيها.. وتقولي
له مش ممكن..أنا عمري ما اتفجعت كده..أنا أودامي أسبوع هابطل أكل فيه
وبعدين تمسكي الفوطة اللي دايمًا موجودة على التربيزة من غير لازمه..وتبوسيها..آل يعني بتمسحي بؤك..
وبعدين تستأذني منه لدخول التوليت لإصلاح ماكياجك ..وتخشي التواليت وتطلعي من شنطة إيديك...
لفة الفول والطعمية اللي جايباها معاكي...وبالهنا والشفـــا.
ولمه تتجوزى ابقى كلى براحتك..
الرجوع الى أعلى الصفحة اذهب الى الأسفل
wd.alshreef99
مشرف المنتدي
مشرف المنتدي
avatar

عدد المساهمات : 207
تاريخ التسجيل : 20/05/2009
العمر : 34
الموقع : المملكة العربية السعودية

مُساهمةموضوع: رد: وصية أم لإبنتها عند الخطوبة   الإثنين يناير 04, 2010 5:36 pm

وصيه جامدة بس عايزك توريني حاجه واحده بس الرز دا بيكلو كيف بالشوكه ياراجل هنا لازم تلخبت الرز مع الزبادي مع الدجاج مع الميرده وترفع جلبيتك كده على بطنك وتخمش والبيقع بعدين البنقالى بيظفو فى المطعم ما عليك ولا تخمش فهما الرز كيف بالمعلقه . منتظرنك

_________________
الرجوع الى أعلى الصفحة اذهب الى الأسفل
نسمة وفاء
عضو فعال
عضو فعال
avatar

عدد المساهمات : 152
تاريخ التسجيل : 19/06/2009
العمر : 29

مُساهمةموضوع: رد: وصية أم لإبنتها عند الخطوبة   الثلاثاء يناير 05, 2010 5:42 pm

لكن لقيتم ماشاء الله في الوصايا

وياود الشريف اجيب ليك مريلة بدل ترفع الجلابية ههههههههههههههههههههههههه


واكل براحة وخلي لينا شوية
الرجوع الى أعلى الصفحة اذهب الى الأسفل
 
وصية أم لإبنتها عند الخطوبة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى والاسرة و المجتمع-
انتقل الى: