الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  
شاطر | 
 

 برنامج تواصل

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
مجدى باشنتود
عضو جديد
عضو جديد


عدد المساهمات: 40
تاريخ التسجيل: 18/05/2009
العمر: 36

مُساهمةموضوع: برنامج تواصل   الخميس ديسمبر 17, 2009 10:28 am

بسم الله الرحمن الرحيم
الاخوة الكرام فى المنتدى وفى مراغة وفى الخارج السلام عليكم
وكل سنة وانتو طيبين والسنة الجاية نشوف احصائية المنتدى وصلت مليون
ونحتفل بهذا الحدث بحضور ودالشريف ومالك والاخوة فى مدرسة مراغة ....

ولدى بعض الاقتراحات سوف تنشر تباعا ....
الاول عمل تعريف شامل لمراغة من حيث الاسر والبيوتات والناس الرحلو حديثا
وعمل تعريف تفصيلى وممكن يكون على مراحل لانو بجد انا هسة عشان اعرف
محمد جعفر دة الا استعنتا باخرين واول مرة والله اسمع بيهو

وامثالو ماشاء الله كتار .... غير كدة الشباب الصغار ديل مابيعرفو الكبار ولاسمعو شلة رضوان وياسر مثلا
انا برى انو هذا الموضوع نناقشو بموضوعية

واقترح على الشباب النشاط مثل النور وسيف ومحمد جعفر وهانى يقعدو مع الاستاذ كمال صالح
لانو موسوعة ومالك كان بدا معاها ا فكار زى دى


المهم لابد من تواصل للشباب الصغار

ولنا عودة

مجدى باشنتود
الرجوع الى أعلى الصفحة اذهب الى الأسفل
النور إدريس
عضو جديد
عضو جديد


عدد المساهمات: 94
تاريخ التسجيل: 28/11/2009

مُساهمةموضوع: رد: برنامج تواصل   الخميس ديسمبر 17, 2009 3:18 pm

والله ياباشمهنس ليك وحشه ومشتاقين كتير
شنو قاطع الاخبار وشفت الشفع ديل انتهو مننا كلعيبه انا وصحبك هانى والغريب هانى بقول انا لسه صغير
موضوعك جميل وشايف الشباب متواصلين من خلا ل المنتدى ودى بداية طيبة للتواصل
انا معاك فى الفجوة الكبيرة بين الاجيال ودا سبب رئيسى للمشاكل الانحنا فيها هسى
مشكوووووووووور
الرجوع الى أعلى الصفحة اذهب الى الأسفل
رضوان سعيد
عضو جديد
عضو جديد


عدد المساهمات: 83
تاريخ التسجيل: 08/09/2009

مُساهمةموضوع: برنامج تواصل   الخميس ديسمبر 17, 2009 3:20 pm

هندســــــة ..لك الود والتحية
أثني إقتراحك للتعارف والتواصل بين الأجيال..
من هسع الواحد بقى يطش شبكة..وشباب كتار بقينا ما بنعرفهم..
ومع زمن الشتات دة..خايف يجي يوم أخوك شقيقك يلاقيك و تقول ليهو أنا شفتك لكن وين ماعارف..
تحياتي للأخوة عبيد عطا ، أبو عبيدة شيخ إدريس ، النذير ، عبد السلام وياسر ولرواد نادي مراغة.
وقول للباشا الكبير محمد..الحاضر الغايب.. نحن منتظرنو.
الرجوع الى أعلى الصفحة اذهب الى الأسفل
محمد جعفر
عضو فعال
عضو فعال


عدد المساهمات: 340
تاريخ التسجيل: 07/11/2009
العمر: 25

مُساهمةموضوع: رد: برنامج تواصل   الخميس ديسمبر 17, 2009 8:17 pm

[size=18] مشكوووووووووور يا رائع مشكور
اقتراحك بدون مجاملة في غاية الروعة
فحقيقة انا لا أعرف عدد كبير من الاعضاء هنا فأستفسر عنهم ( ده ابو هناي داك , وده اخو هناي داك) ما بعرفهم إلا كده .
معاً يد بيد لمزيد من الترابط والتواصل بين الاجيال....
اقتراح جميل
ربنا يديك الصحة والعافية
مع خالص تحياتي .....
[/size]
الرجوع الى أعلى الصفحة اذهب الى الأسفل
ياسر ابراهيم طه
عضو فعال
عضو فعال


عدد المساهمات: 41
تاريخ التسجيل: 21/07/2009

مُساهمةموضوع: رد: برنامج تواصل   الخميس ديسمبر 17, 2009 8:37 pm

مرحب يا هندسه لك كتيير الاشواق وعاطر التحايا اقتراحك اكتر من رائع وكانك تقصدنا عدييييل كده
عايزين نتواصل ونعرف بعض اكتر واكتر
نحن معك يا هندسه لو خطت بنا جدول جزيف ما تخلف منا احد بس ما يكون في الشتا !!!!!!!!
الرجوع الى أعلى الصفحة اذهب الى الأسفل
wd.alshreef99
مشرف المنتدي
مشرف المنتدي


عدد المساهمات: 207
تاريخ التسجيل: 20/05/2009
العمر: 31
الموقع: المملكة العربية السعودية

مُساهمةموضوع: رد: برنامج تواصل   الخميس ديسمبر 17, 2009 9:19 pm

الاخوة الاكارم / مجدي وياسر ومحمد ورضوان
نحن هنا في المنتدي وضعنا قسم خاص للتعارف وجميع القرية يعني من اقدم الناس الا احدثهم
وانتو بس مركزين اكتر علي المنتدي العام والكلام دا موجود في قسم ( منتدى قرى دنقلا )
يعني تقدر تتكلم براحتك في هذا القسم من كل النواحي مثال لذلك مساحة منطقة مراغة
الجغرافية و عدد سكانها وعدد المشاريع والتعريف في هذ القسم ايضا ولكم الشكر.

_________________
[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
نسمة وفاء
عضو فعال
عضو فعال


عدد المساهمات: 152
تاريخ التسجيل: 18/06/2009
العمر: 27

مُساهمةموضوع: جميل   الجمعة ديسمبر 18, 2009 10:21 am

موضوع جميل بالجد
لانو انا بي صراحة ماعارفة الناس هنا بس اسامي البعض بس بعرفن لكن الكبار مابعرف كتار

بس الظاهرين زي النور ومحمود اخوي ونضار وسامر والنذير
والباقي الشفع ههههههههه
خلاص ماشفع كبارصغار

وربنا يديم المحبة بين الكل والتواصل

وتسلم
الرجوع الى أعلى الصفحة اذهب الى الأسفل
مازن كمال محمد
عضو فعال
عضو فعال


عدد المساهمات: 153
تاريخ التسجيل: 29/11/2009
العمر: 26
الموقع: الخرطوم

مُساهمةموضوع: رد: برنامج تواصل   الجمعة ديسمبر 18, 2009 3:42 pm

لك التحية الاخ مجدي ومشككككككور للاقتراح الجميل
نثني الاقتراح والامر متروك للادارة
الرجوع الى أعلى الصفحة اذهب الى الأسفل
مجدى باشنتود
عضو جديد
عضو جديد


عدد المساهمات: 40
تاريخ التسجيل: 18/05/2009
العمر: 36

مُساهمةموضوع: رد: برنامج تواصل   الجمعة ديسمبر 18, 2009 7:29 pm

الاخوة الاعزاء رضوان, ياسر مشتاقين كميات رغم البعاد والشباب كلهم كويسين ومشتاقين ليكم
وحاوريكم اخبار كل واحد بالتفصيل لاحقا

وشكرا لكل الشباب لهذا التفاعل السريع...

الرائع النور (ودالسلطان) كيف اخبارك ومشتاقين شديد
والصغار البتقول عليهم شفع ديل فاتونا عديييييييييل بس حقو تعترف
ورحم الله امرى عرف قدر نفسة .....

الاخت نسمة .... سلامات
النور دة طبعا مفتكر روحو هو صغير ولو جو اصغر منو معناهو هو كبر والحتة دى بتحرق كل كروتو المتبقية
وبينى وبينك الزول دة فاتو القطر

الاخ ودالشريف التحية ليك ومشكور على ردك بس انا قصدت نطلع المعلومات العند الناس الكبار
وطبعا من الصعب يتواصلا معانا مباشرة فانا ابحث عن حلقة الوصل من الشباب الفى البلد....

وشكرا على معلوماتك بس مانلقاك فى يوم من الايام فى منتدى اولاد سورتود ... مراغة وبس
تحياتى

مجدى باشنتود
الرجوع الى أعلى الصفحة اذهب الى الأسفل
محمد ابراهيم
عضو فعال
عضو فعال


عدد المساهمات: 38
تاريخ التسجيل: 05/12/2009
العمر: 24
الموقع: mohamed2271990@yahoo.com

مُساهمةموضوع: رد: برنامج تواصل   الجمعة ديسمبر 18, 2009 7:53 pm

مشكور اخي مجدي على هذا المقترح الجميل ............
نرجوا التجاوب السريع مع الفكرة ....
انا ما عرفتك الا امبارح بعد اتصالي بي مجاهد اخوك........ههههههههه
الرجوع الى أعلى الصفحة اذهب الى الأسفل
مجدى باشنتود
عضو جديد
عضو جديد


عدد المساهمات: 40
تاريخ التسجيل: 18/05/2009
العمر: 36

مُساهمةموضوع: رد: برنامج تواصل   الجمعة ديسمبر 18, 2009 8:13 pm

لك الشكر ياعزيزى ومرحب بيك
بس قول لمحمد جعفر مارديت على ايميل مجدى

شكرا

مجدى
الرجوع الى أعلى الصفحة اذهب الى الأسفل
الباقر محمد ابوزيد



عدد المساهمات: 56
تاريخ التسجيل: 11/08/2009

مُساهمةموضوع: رد في موضوع التعارف   الأحد ديسمبر 20, 2009 2:13 pm

لك التحية لللاخ مجدي وفعلا لانعرف ربع البيكتبو في المنتدي
الرجاء من الجميع التعريف بلتفاصيل الممله
وسوف ابدا بنفسي

الباقر محمد ابوزيد وديدي
المولد بربر
الاقامة في السنوات الاولي من العمر دنقلا العرضي اشلاق البوليس الي عمر التاسعة وبعد ذالك انتقلت الي مراغة وعشت فترت الابتدائية والمتوسط وبعد ذالك اشتغلت في دنقلا الي عمر 25 سنة واغتربت الي السعودية الي يومنا هذا.

العم سعد الدين ابوزيد / ابوزيد وحسن ابناء العم
العمه عائشة ابوزيد/ محمد الامين عباس /عبد المنطلب عباس ابن عمتي
مرغني عثمان وديدي / عمي ابن عم والدي وايضا محمد عثمان وديدي وعابدين وديدي ونور الدين وديدي وابنائهم اولاد عمي بالفه
وديدي عبد الوهاب واخوانة ابناء عمي بالفه
الاخوات امنة وزوجها محمد الامين عباس بورتسودان
احسان وزوجها ابوزيد محمد عبد الحفيظ
ليلي وزوجها محمد سرور يمكن دي اكثر واحدة تعرفوها
الوالدة فاطمه الامين حمتو والدتها زينب شرفي / خالها ابرهيم شرفي بمراغة خالتها حرم شرفي في نهاية مراغة وبداية كابتود ابن خالتها عثمان درار وجميع الي درار /
المنزل مراغة وسط حلة الوديدنجي قصاد جنينة عبد الرحيم دنقلاوي وجوار منزل المرحوم حمد اوراس ابو عبد الله حمد
عسي تكونوا عرفتموني
الرجوع الى أعلى الصفحة اذهب الى الأسفل
رضوان سعيد
عضو جديد
عضو جديد


عدد المساهمات: 83
تاريخ التسجيل: 08/09/2009

مُساهمةموضوع: برنامج تواصل   الثلاثاء ديسمبر 22, 2009 3:35 pm

الأخ العزيز الباقر. .. التحايا الطيبات...
مش عرفناك وبس.... لكن طلعت قريبنا عديييييييييل..
الحبوبة حرم شرفي عليها رحمة الله هي والدة الفاضل عثمان درار بمراغة وإخوانه
عمر وحمزة بالقاهرة ودرار بالسعودية .. وهي جدة إبراهيم شمين بالسعودية
والمرحوم عبدالله شمين..
تربطنا بأسرة عثمان درار صلة قرابة ونسب يحتاج تفصيلها إلي مجلدات..
بقى أن نشير إلي أن أسرة عثمان درار تسكن في الساقية رقم 3 والمعروفة
بساقية الدراري وهي في بداية مراغة من الشمال...نعم... فمراغة تبدأ في الشمال
بالساقية رقم 1 وهي ساقية إبراهيم نقد.
ونكرر التحية ..
الرجوع الى أعلى الصفحة اذهب الى الأسفل
مجدى باشنتود
عضو جديد
عضو جديد


عدد المساهمات: 40
تاريخ التسجيل: 18/05/2009
العمر: 36

مُساهمةموضوع: رد: برنامج تواصل   الثلاثاء ديسمبر 22, 2009 4:10 pm

لك التحية يا ابو النسب وكيف الاهل كلهم ان شاء الله طيبين ونوعية التعريف دى هى الانا قاصدا بالضبط
وبعد شوية دايرين ناس يورونا الشخصيات العمرا فاتت الخمسين سنة ..... وطبعا الشباب حيمدونا بيها من مراغة
ونحن فى الانتظار وانتم موعودين بمعلومات ثرة عن هذا التواصل من الاعمام كمال صباحى والخال مختار احمد بخيت
وشخصى الضعيف واخونا عبدالرحيم الجعلى سوف نزودكم قريبا بمعلومات مهمة وفى النهاية انا متاكد انو من دكان الحداد سليمان
ولحدى مشرع مقاصر حيطلعو اسرة واحدة .....


سوف ابدا بشخصى الضعيف
مجدى حسن محمد على (باشنتود)
العمر 31 سنة
المراحل الدراسية
ا مراغة الابتدائية - دنقلا الاهلية المتوسطة - دنقلا الثانوية النموذية - جامعة الخرطوم كلية الهندسة التخرج العام 2002
وفى ترتيبات للبداية فى لماجستير فى الادارة الهندسية ودعواتكم لينا بالتوفيق والنجاح
متزوج والحمد للة ولى طفل (محمد مجدى) وعمرو سنة
مهندس ميكانيكى والان أخصائى تعاقدات فى مجال النفط بشركة بترودار لعمليات البترول - الخرطوم
وهى شركة صينية/ماليزية/سودانية

المرة الجاية حنمدكم باسرة جدنا عبداللة الحسين واسرة الانصار
وعشان ابو الدايمى وناس جنابو النذير مايزعلو فى زول مجهز تعريف كامل لابو الدايمى من اكبر زول لحدى اصغرم مرورا بناس ذنورين ومالك

تحياتى وودى
مجدى
الرجوع الى أعلى الصفحة اذهب الى الأسفل
مجدى باشنتود
عضو جديد
عضو جديد


عدد المساهمات: 40
تاريخ التسجيل: 18/05/2009
العمر: 36

مُساهمةموضوع: رد: برنامج تواصل   الثلاثاء ديسمبر 22, 2009 4:19 pm

والله ياسعادة السفير دة الخايفنو طلعت نسيبنا عدييييييييييل انت عارف الحرم شرفى دى حبوبتى
وعوض ابراهيم شرفى دة ود عم امى ومتزوج خالتى ليلى سرور ويسكنو الامتداد الخرطوم والله مش قنا دة الحيحصل


ياودالسلطان الجعلى يبقى ليك شنو بالضبط ؟؟؟؟

طبعا قدورة دياب حيمدنا باسرة الشاويش .... نحن فى الانتظار يابروف

مجدى
الرجوع الى أعلى الصفحة اذهب الى الأسفل
 

برنامج تواصل

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

 مواضيع مماثلة

-
» برنامج أبو رشيد للكتابة فى البرامج للغة العربية
» برنامج Opera Mini v4.3 الاكثر شعبية في العالم المحمول لتصفح الانترنت

صلاحيات هذا المنتدى:لاتستطيع الرد على المواضيع في هذا المنتدى
 :: المنتدي العام-