الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  

شاطر | 
 

 الربيع يأتى متأخرا

اذهب الى الأسفل 
كاتب الموضوعرسالة
النور إدريس
عضو جديد
عضو جديد
avatar

عدد المساهمات : 94
تاريخ التسجيل : 28/11/2009

مُساهمةموضوع: الربيع يأتى متأخرا   الجمعة ديسمبر 11, 2009 12:57 am

ما تعاقب الفصول الاربعة على اعمارنا وحيواتنا ودهرنا، الا دليل نُقصان في ايامِنا المُجدبة المتبقية المترنحة بين الامل والرجاء، و الغنى الفاحش والفقر الذي تجاوز قاع القاع، وبين البقاء او الطفشان في اي فج من القِبل الاربعة، او انتظار خبطة اليانصيب المنتظرة ولو مرة في مدار كوكب معيشة محمد احمد او كلتوم التي افقدها الزمن الذاكرة ولم تعد تعرف ابناءها من ابناء الشوارع والازقة، قبيل ان يستضيفهما ملك الموت في معيته والى الابد، وما ترجيع الصدي لصوتنا المبحوح كأنه زُمُبارة رويعي مشروخة، الا ان الصدي ذات نفسه ضجت به هواجس الحيرة- فوبيا من هذا ( الزول) الذي اصبح صنوا مخلصا للصبر، ونبي شحتفة الروح بامتياز، وما صمت اشجار الصنوبر والنيم والمانغو ما كانت الا انتظارا لهبوب ونسمه باردة لعل وعسى تخضب حوافي مساماتها التي قتلها الظماء لسحابة ضلت الطريق. لا ربيع هذا العام، فاقساط المدارس داء موروث لا شفاء منه، ومُرتب الشهر اللعين الذي تمتصه الحوجة وهو جنين في رحم الايام، قد ذاب لحظتئذ كنقطة قطران في كف الفخارجي وهو ينفخ في قِربة هواء كي يشعل الجحيم ليصنع منه مزهرية تحتضن زهرة اصابها المَحل والسحل وهي وردة، لا ربيع هذا الحُوُل، فالمسيكين الذي تجاوز الاربعين وهو ما زال يتسربل الاماني بفتاة يتزوجها ويمسي بعلها، قد عصفت به وبامانيه وباسباله ريح الفلس والفقر والبؤس، فطفق يرسم صورتها ومٌحياها في مُخيلته وسهره ولوعاته التي يتجشأها كل لحظه وفي عز الليل متأملا هيئته في مراة الحسرة، او كالذي بلغت به الروحانية مبلغا فأوكل ايمانه ليوم القيامة كي يزوجه من بنات الحور العين بعد ان عجز عن الطفر بالحور الطين. لا ربيع هذا العام وهي تنظر الى شهاداتها الجامعية كما تنظر العرافة في حبات الودع؟ وبلغ بها العمر عتيا واصبحت تنتظرُ الزواج حتى وان كان من راجل مرأة او سبعين مرأة، او مُسِن استحالت عنقه من نوائب الدهر كعنقاء سلحفاء من فرط عمايل السنين، وهي التي كانت بالامس مثل فراشة في حديقة من ياسمين، وما درت ان الايام نتداولها بين الناس لعلهم يعقلون او حتى يستعقِلون. المغترب المهاجر عن وطنه عاد كما يعود الملك الضليل الى قومه، او كما يعود فحل الجواميس الى سربه، فوجدهن يريدن الزواج من وثيقة سفره وليس منه، وهن اللائي تزاحمن امامه كتزاحم الجواري على امير في قصر من قصور اشبيلية، والمغترب او العائد سرحت (جَلحاتِه) فوق راسه حتى اضحى راسه وجبنيه كانها جبهة حرب من شدة الهول والصول الذي تجابداه في بلاد الصقيع والنقيع، حتى الكلمات تخرج من بين شفتيه هادئة واحدة تلو الاخرى كأن به مس من جن، وما هو بمس، ولكن الجوع الى سمراء حنطية كضوء الرتينة تسُر نظر الثقليين، وهي اصبح القوم يقولون عنها انها تفرنست وامست افرنجية لا خير فيها، اليست هي مطلوقة كل هذه السنوات في بلاد الغرب او الغربة وجاءت الان تبحث عن ابن حلال بعد ان مضغها الزمن مضغا؟؟ الحمائم فارقت سقوف بيوتات الصفيح، والغِربان باتت تقهق مع العصافير فوق اعشاشها، وامام صلاة الجمعة حلق شاربه ولحيته وحاجبيه ورموش عينيه لزوم عولمة الخطبة، والاطفال تحولو بفعل الفقر الى اباء او امهات، ونمت دُوُر رعاية اللُقطاء ضحايا الاماني السوداء في اطراف المدن كاللبلاب، واليوم البائس امسي كسنة، او كعام مما تعدون، والربيع محجوب فوق قمقم تابوا التجمد، وانتشر الرويبضة يفتون في الرياضيات والحب والقهوة وسوق البعير ومزاج الحمير، وطبال القرية اصبح سلطان، وشحات الحارة مات عن خمسة افدنة من القمح واسطبلات مد البصر من الخيل، واربعة حِسان في يمينه، وبائعات الشاي الشهيدات الاموات الاحياء ينحتن الصخر بحثا عن ضرا، ومطاعم التيك- اووي ترتادها الكلاب، وطبيب القرية اصبح يداوي بالاعشاب بدل العقاقير، بعد ان بارت حرفته، والمثقف في صومعته يحوقل ويحمدل ويسبحل بامر الله الغالب والبؤس المقيم، والبرد تلي خطبته المقتضبة (ياقوم عفوا.. لا ربيع هذا العام، وان جاء فلربما ياتي متاخرا).
الرجوع الى أعلى الصفحة اذهب الى الأسفل
??? ????
زائر



مُساهمةموضوع: الوجيه امبنا   الجمعة ديسمبر 11, 2009 2:12 am

فالمسيكين الذي تجاوز الاربعين وهو ما زال يتسربل الاماني بفتاة يتزوجها ويمسي بعلها،
قد عصفت به وبامانيه وباسباله ريح الفلس والفقر والبؤس، فطفق يرسم صورتها ومٌحياها
في مُخيلته وسهره ولوعاته التي يتجشأها كل لحظه وفي عز الليل متأملا هيئته في مراة الحسرة،
الاخ النور (امبنا) لك التحية على الموضوع الشيق الجميل فأنا اقرا الموضوع خشيت ان يكون حال
صاحب القصة فى المقطع المرفق مه الرد(فتوكل على الله وارسم الصورة وحتما ستجدها) ولاتخشى
شئ فى هذه الدنيا(لايأس مع الحياة- ولاحياة مع اليأس)فأنت تفهم ماأعنى تماما ياوجيه فبارك الله فيك
فى هذا الموضوع الجميل جمال فراشة في حديقة من ياسمين، فى زمن فيه تبدلت فيه كل الاشياء شكلا
ومعنى يعاديك اخوك دونما سبب والخصومات بين الناس ووووووووووووووو فقط لان الحياة فيها اشياء
غربيه فقط لان الحمائم فارقت سقوف بيوتات الصفيح، والغِربان باتت تقهق مع العصافير فوق اعشاشها،
تقبل مرورى ومزيد من الجيد (ياااااااااااااااااااااااااااااااااااااااااااامبنا)
الرجوع الى أعلى الصفحة اذهب الى الأسفل
رضوان سعيد
عضو جديد
عضو جديد
avatar

عدد المساهمات : 83
تاريخ التسجيل : 08/09/2009

مُساهمةموضوع: الربيع يأتي دائماً موعده   الجمعة ديسمبر 11, 2009 2:26 am

أخي النور
يأتي الربيع دائماً في موعده .. وهو جميل
فمن الضروري أن يجدك..
تسلم علي الموضوع .. بس كــبٌر الخط شوية عشان نقرا مرتاحين..
معليش أصلوا كـــبرنا .. برضوا كبرت افراحنا .. وآمالنا
تسلم تاني .. ولي مدى العمر
الرجوع الى أعلى الصفحة اذهب الى الأسفل
ياسر ابراهيم طه
عضو فعال
عضو فعال
avatar

عدد المساهمات : 41
تاريخ التسجيل : 21/07/2009

مُساهمةموضوع: رد: الربيع يأتى متأخرا   الجمعة ديسمبر 11, 2009 2:31 am

اانا تعبت من كل حاجه ومن اي حاجه من البعد والغربه والعمل عند الاخرين يورث فيك الكسل النفسي وده اصعب انواع الكسل بمرور الوقت تحس انك اشبه بالنورج تلف وتلف ما كنت مصدق اني حأصل المرحله دي وانا المسكون بالاشواق للبلد وناس البلد وتقتلني كلمه حنينه من العمات والحبوبات وكسلت او مع ضغط العمل ما لقيت وقت ادخل علي منتدي مراغه احلي بقعه علي الارض يادووووووووووووب بعد عشرة ساعات ونصف دوام الملم ما تبقي مني واتصفح الموقع ولاني اعرف نفسي جيدا وانا المسكون بالشوق الي البلد مراغه وناسه المهم قريت عن الصداقه ومعناها عند مجاهد باشانتود قلت في نفسي (شوف مجاهد كمان) ولانو عندو معزه خاصه معزه قبلي الجدول عندي0 وسمعت احلي زغرووووده من نسمه وفاء ولاني مسكون بالشوق للبلد وناسه
قررت اتحدي الكسل النفسي وارسل تحياتي وسلامات واشواقي الي البلد حته حته من جدول القاضي لحدي صالح تبت ومن البحر لحدي الخلا لي كل الناس
وياطير يا ماشي لي اهلنا
ارجوك وصًل رسائلنا
والشوق ماتنسي ياطاير
لي كل البسألك عنا
ودي اعتبروها بدايه كده من غير ترتيب ولو سمعت زغروووووووووده من نسمه وفاء اكيد برجع ليكم تاني
الرجوع الى أعلى الصفحة اذهب الى الأسفل
النور إدريس
عضو جديد
عضو جديد
avatar

عدد المساهمات : 94
تاريخ التسجيل : 28/11/2009

مُساهمةموضوع: رد: الربيع يأتى متأخرا   الجمعة ديسمبر 11, 2009 8:20 pm

الاخ سيف اشكرك على التعليق والمرور الجميل(وسنستعين بك كبيت خبرة فى المجال المقصود)
الاخ رضوان مشكور كتير على المرور (وانا فى انتظار الساعة الخمس وعشرون )
الاخ ياسر لك التحية وانت تناضل من اجل البقاء وربنا يسهل ونعل الله الغربة التى جعلت من انشط انسان اكسل انسان)ورينا رايك فى خطوبة جدو
الرجوع الى أعلى الصفحة اذهب الى الأسفل
رضوان سعيد
عضو جديد
عضو جديد
avatar

عدد المساهمات : 83
تاريخ التسجيل : 08/09/2009

مُساهمةموضوع: الربيع يأتي دائماً في موعده   الجمعة ديسمبر 11, 2009 10:02 pm

شفت يا النور كلامي صح
الربيع دائماً يأتي..
اه موضوعك دة جابنا لينا ياسر ابراهيم طه .. وهو عندي يساوي الربيع ونص وخمسة ..
والله يا ياسر جنس كسل .. مسجل في المنتدى من شهر سبعة وتظهر لينا اسع .. والله بالغت عديل كدة..
تحياتي واشواق السنين ليك وللاخوان في الغربة.. رد الله غربتنا جميعاً..
الرجوع الى أعلى الصفحة اذهب الى الأسفل
ياسر ابراهيم طه
عضو فعال
عضو فعال
avatar

عدد المساهمات : 41
تاريخ التسجيل : 21/07/2009

مُساهمةموضوع: الربيع ياتي متاخرا   الإثنين ديسمبر 14, 2009 12:10 am

عزيزي ابادول سوف يأتي الربيع حتي وان جاء متاخرا ومترنحا فان ياتي متاخرا خيرا مما لا ياتي
عايز الاجازه الجايه الدلوكه تكون فوق والبمبي يلعلع من العصر حتي الساعه 11 بس ابعد من بره الحوض كفايه الشفناهو في الاجازه الفاتت وكفايه صحبك جدو
ليك خالص تحياتي واشواقي
الرجوع الى أعلى الصفحة اذهب الى الأسفل
ياسر ابراهيم طه
عضو فعال
عضو فعال
avatar

عدد المساهمات : 41
تاريخ التسجيل : 21/07/2009

مُساهمةموضوع: الربيع ياتي متاخرا   الإثنين ديسمبر 14, 2009 12:20 am

شكرا عزيزي رضوان ( اسق يايا ) علي احتفالك بدخولي المنتدي ومن بدري لو كنت عارف حيعاودني الحنين بتاع زمان واسمع صوتك و اصوات كل الاحبه كنت فردت خيمتي هنا وسكنت ما قادر اصور ليك مقدار فرحتي بالتواصل وسماع احلي اخبارك بس انت وين؟ اوعي تكون في برلين ذي ما( يايا )قالت لي
الرجوع الى أعلى الصفحة اذهب الى الأسفل
محمد جعفر
عضو فعال
عضو فعال
avatar

عدد المساهمات : 340
تاريخ التسجيل : 07/11/2009
العمر : 29

مُساهمةموضوع: رد: الربيع يأتى متأخرا   الإثنين ديسمبر 14, 2009 10:13 pm

مشكوووووووووور يا نجم على الموضوع الجميل
مشكووووور ...مشكووووور ...مشكوووور
جزاااك الله عنا كل خير
مع خالص تحياتي
الرجوع الى أعلى الصفحة اذهب الى الأسفل
رضوان سعيد
عضو جديد
عضو جديد
avatar

عدد المساهمات : 83
تاريخ التسجيل : 08/09/2009

مُساهمةموضوع: الربيع يأتي دائماً في موعده   الثلاثاء ديسمبر 15, 2009 1:05 am

أنا في بلد تموت من البرد حيتانها..
في برلين .. بالضبط كما قالت يايا..
والله يا ياسر .. جنس سقط
ولو ما حرارة الأشواق ودفء المشاعر
البنلقاهو من الإخوة في المنتدى كان سقطنا..
غايتو .. بلد سقط لقط .. الجابنا ليها شنو ذاتو ماعارفين.
الرجوع الى أعلى الصفحة اذهب الى الأسفل
نسمة وفاء
عضو فعال
عضو فعال
avatar

عدد المساهمات : 152
تاريخ التسجيل : 19/06/2009
العمر : 31

مُساهمةموضوع: رد: الربيع يأتى متأخرا   الأربعاء ديسمبر 16, 2009 8:53 pm

النور اصبر قبل ارد ليك

ايوووووووووووووووي يويويويبويويويويييييييييييييييييييييييييييييييييييييييييييوي

هههههههههههههه اها كدا كيف يلا ابقى ظاهر في المنتدى ياياسر وكل شوية حديكم وحدة لحدي ماراسكم يوجعكم وتجو تلصقو خشمي ههههههههههههههههه


والله النور كلامك جميل بس اكيد الربيع في وبختك انتا قاعد هناك في البلد نحنا في الخرطوم عينا طالعة

الله يعين بس
ومشكور
الرجوع الى أعلى الصفحة اذهب الى الأسفل
ياسر ابراهيم طه
عضو فعال
عضو فعال
avatar

عدد المساهمات : 41
تاريخ التسجيل : 21/07/2009

مُساهمةموضوع: رد: الربيع يأتى متأخرا   الجمعة ديسمبر 18, 2009 1:57 am

بتنا نسمه وفاء بت العمد سلاماتي
انا من زمااااااااااان مفتون بالدلوكه والزغاريد ولما يكون في عرس في البلد بتمني الكهربا تقطع وما يلقوا جنريتر عشان الاورغن ما يشتغل والدلوكه تدق علي أنوار الرتاين 0 أحس دائما بان هذه الأجواء تخلق الفرحه الحقيقيه لكل الأطراف وانا اقف في مكاني اتمايل مع نقرات الدلوكه وانتشي،، واتحاشي ان يراني الآخرين واتمسك بشئ من الوقار وتكاد الفرحه تدهسني ،، وهسه مع زغرودتك دي نطيت فوووووووووق وقلت ابشررررررررررررررري .....
ليك ولي الوالد والأسرة الكريمه عاطر تحياتي
الرجوع الى أعلى الصفحة اذهب الى الأسفل
 
الربيع يأتى متأخرا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدي العام-
انتقل الى: